السلام الداخلي عند الشيخ صالح الشامي

من أكتر الحاجات إللي اتعلمتها من الشيخ صالح أحمد الشامي، شغلة ( السلام الداخلي ) إللي يعيشها الرجل دا..

يعني ترى الرجل له إنجازات علمية مرررررة مررررة كتيرة..
وفي العادة الواحد حينما يكون عندو مشكلة في سلامه الداخلي inner peace

ومثلاً شاف واحد بيعمل نفس عملو، ففي كتير من الأحيان يذم عمل غيرو ؛ عشان يشعر هو بقيمة نفسه..

الشيخ صالح غريب.. أنا تقريباً اطلعت على كل ما كتب.. وما أتزكر ولو لمرة إنو مرة يعني قال: ( ودا فلان ترى ما يفهم.. وشغلي أحسن من شغلو …)

يعني منهجيتو: إنو مو لازم يكون ليا موقف منك أو من عملك، عشان يكون لكلامي أو لعملي منزلة..

يعني عارفين زي إللي مركز عيونو على طريقو، وما عندو وقت يبص على أغلاط الناس وعيوبهم..

وفي نفس الوقت، دا لا يعني أبداً (( الدروشة )).. أبداً..

يعني الشيخ مثلاً يقول في مقدمة كتابه زوائد الموطأ المسند: ( ترى عملي ممتاز، وجهد طيب، وقد قام الإمام فلان الفلاني من قبلي بمثل عملي، بس وقع في أخطاء معينة.. )

الآن ممكن تكون الفرصة مناسبة عشان يبدأ بسب غيره ؛ عشان يمدح نفسه.. كان ممكن يقول: وأصلاً علمو خايس، وما يصلح بقرش، استفيدوا من عملي… ههههه

بس الشيخ ما سوا كدا..

قال: ( وجزاه الله خير.. الإمام الفلاني سوا شغل طيب، بس وقع في أخطاء، ليس سببها إنو ما يفهم.. لكن قصور التطور التقني يومئذ قد يكون عائقاً ..) إلخ..

ومرة تانية في أحد كتبه، قال: ( وقد وقع خطأ في كتاب الأخ فلان نتج عنه سقوط ٥٠ صفحة من الكتاب، ودا غلط تقع مسؤوليته على الناشر، وممكن الأخ المؤلف الله يديه العافية، يطبعلنا طبعة تانية يتدارك فيها الغلط إللي صار ؛ عشان يكون عمله في المكان اللائق بيه )..

في الحقيقة، يعني أنا كنت أستغرب.. ! كيف الشيخ يعمل هيك !

إزا تبغوا الصراحة .. احتمال كبير أنا لو كنت محلو .. كنت حأذم عمل غيري ؛ عشان يبان عملي..

ههههه عارفين مرررررة مافي سلام داخلي عندي خخخخخ

يعني: دي حاجة أتعلمتها من الشيخ صالح الشامي فيما بين السطور، وأنا أشوف الشخص دا شخص عظيم للغاية، وأتمنى يوم أكتب أو أحد يكتب عنه رسالة ماجستير أو دكتوراه يبيِّن فيها جوانب الروعة في دي الشخصية الرائعة ..

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s